રુ. 2 કરોડના સોનાની દાણચોરીમાં અમદાવાદ એરપોર્ટના મોટા અધિકારી પકડાયા

સોનાની દાણચોરી માટે દેશના જુદા જુદા એરપોર્ટ પર ઘણીવાર એવા કિસ્સા સામે આવે છે, જે કોઈને પણ દાણચોરોની આ ટ્રિક અંગે વિચારતા કરી મૂકે છે. જોકો તાજેતરમાં અમદાવાદમાં સામે આવેલા કિસ્સાએ તપાસ એજન્સીઓને પણ ચોકાવી દીધી હતી. કારણ કે આ કિસ્સામાં સોનાની દાણચોરી માટે જે ટ્રિક અને રસ્તો અપનાવવામાં આવતો હતો તે તો એકદમ અલગ હતો જ પરંતુ તેના માસ્ટરમાઈન્ડ ખુદ ટર્મિનલ મેનેજર હોવાનો આરોપ લાગ્યો છે. તપાસ એજન્સીઓએ ખાસ ઓપરેશન હેઠળ પકડી પાડેલા બે મુસાફરોએ જે ચોખવટી કરી પછી અધિકારીઓ ચોંકી ગયા હતા.

Rate this post

સોનાની દાણચોરી માટે દેશના જુદા જુદા એરપોર્ટ પર ઘણીવાર એવા કિસ્સા સામે આવે છે, જે કોઈને પણ દાણચોરોની આ ટ્રિક અંગે વિચારતા કરી મૂકે છે. જોકો તાજેતરમાં અમદાવાદમાં સામે આવેલા કિસ્સાએ તપાસ એજન્સીઓને પણ ચોકાવી દીધી હતી. કારણ કે આ કિસ્સામાં સોનાની દાણચોરી માટે જે ટ્રિક અને રસ્તો અપનાવવામાં આવતો હતો તે તો એકદમ અલગ હતો જ પરંતુ તેના માસ્ટરમાઈન્ડ ખુદ ટર્મિનલ મેનેજર હોવાનો આરોપ લાગ્યો છે. તપાસ એજન્સીઓએ ખાસ ઓપરેશન હેઠળ પકડી પાડેલા બે મુસાફરોએ જે ચોખવટી કરી પછી અધિકારીઓ ચોંકી ગયા હતા.

DRIના અધિકારીઓ સાદા વેશમાં પહોંચી ગયા

તમને જણાવી દઈએ કે ડિરેક્ટોરેટ ઓફ રેવન્યુ ઈન્ટેલિજન્સ (DRI) ની એક ટીમે 9 જુલાઈએ દુબઈથી ફ્લાઇટમાં સવારે સરદાર વલ્લભભાઈ પટેલ ઈન્ટરનેશનલ એરપોર્ટના ઈન્ટરનેશનલ ટર્મિનલ પર બે મુસાફરોની ધરપકડ કરી હતી. બંને પાસે બારના સ્વરુપે 3.8 કિલો સોનું હોવાનું જાણવા મળ્યું હતું. જે બાદ “બંનેની પૂછપરછમાં જાણવા મળ્યું કે તેઓ આ સોનું એરપોર્ટ ઓથોરિટી ઓફ ઈન્ડિયા (AAI) ના કર્મચારી અને ઇન્ટરનેશનલ ટર્મિનલના મેનેજરને આ સોનું સોંપવાના હતા.

જોરદાર હતી દાણચોરોની મોડસ ઓપરેન્ડી

જેની વધુ તપાસમાં સામે આવ્યું કે ટર્મિનલ મેનેજરની ગેંગમાં ટર્મિનલના સફાઈ કર્મચારીઓના ત્રણ સભ્યોની સંડોવણી પણ જાણવા મળી હતી. તપાસ એજન્સી દ્વારા તમામ છની ધરપકડ કરવામાં આવી છે અને ન્યાયિક કસ્ટડીમાં મોકલવામાં આવ્યા છે.’ ડીઆરઆઈના એક વરિષ્ઠ અધિકારીએ જણાવ્યું હતું.
જપ્ત કરાયેલા સોનાની બજાર કિંમત રૂ. 52,650 પ્રતિ 10 ગ્રામના દરે રૂ. 2.02 કરોડ છે. આ ઉપરાંત જપ્ત થયેલા આ સોના પર રૂ. 46,741 પ્રતિ 10 ગ્રામના ભાવે કુલ રૂ.1.79 કરોડની ડ્યુટી પણ લાગે છે. અધિકારીઓએ જણાવ્યું હતું કે વિદેશથી આયાત થતા સોના અને ચાંદી પર ડ્યૂટી વસૂલવામાં આવે છે. આમ, જપ્ત કરાયેલ સ્ટોકની કિંમત રૂ. 3.81 કરોડ છે.

ટર્મિનલ મેનેજર સાથે અન્ય કર્માચારીઓ પર સંડોવાયેલા

અધિકારીએ જણાવ્યું કે આ મોડસ ઓપરેન્ડી અંતર્ગત તેઓ “સીઆઈએસએફ, કસ્ટમ્સ અથવા ઈમિગ્રેશનની ચેકપોસ્ટ પહેલાં અરાઈવલ નજીક આવેલ વીઆઈપી લાઉન્જનો ઉપયોગ કરતા. આ મોડસ ઓપરેન્ડીમાં સામેલ મુસાફરો આ રીતે પહેલા વીઆઈપી લોન્જમાં જતા હતા જ્યાં પહેલાથી હાજર રહેલા સફાઈ કામદારોમાંથી કોઈને સોનુ સોપી દેવામાં આવતું હતું. જે બાદ તે પેસેન્જર આ સોનું ટર્મિનલ મેનેજરને આપતા હતા. તો આ બાજુ સોનું સોંપી દીધા પછી મુસાફરો ગ્રીન ચેનલમાંથી બહાર નીકળી જતા અને પોતાની પાસે જાહેર કરવા માટે કંઈ નહીં હોવાનો જણાવતા હતા.” અધિકારીઓએ આગળ જણાવ્યું કે “તે ખૂબ જ સંભવ છે કે આ જ વ્યક્તિઓ અથવા અન્ય મુસાફરોએ ભૂતકાળમાં પણ આ જ રીતે સોનાની દાણચોરી કરવાના રેકેટના ભાગ હોઈ શકે છે. “

DRI અધિકારીઓએ જણાવ્યું વધુ તપાસ ચાલી રહી છે

DRI અધિકારીઓએ આને દાણચોરીની સિન્ડિકેટ પર એક મહત્વપૂર્ણ રેડ ગણાવી હતી જેમાં AAI અધિકારી અને એરપોર્ટ કર્મચારીઓ પણ રેકેટમાં સામેલ હતા. “વધુ તપાસ ચાલી રહી છે. ડીઆરઆઈએ તાજેતરમાં જ વિવિધ વિદેશી ફ્લાયર્સ પાસેથી આશરે 60 કિલો હેરોઈન જપ્ત કર્યું હતું જેમણે તેમના શરીર અથવા સામાનમાં ડ્રગ્સ છુપાવ્યું હતું. આ સિન્ડિકેટનો પર્દાફાશ અમદાવાદ એરપોર્ટ દ્વારા દેશમાં સોનાની દાણચોરીને અટકાવશે.” તેમ DRI અધિકારીએ જણાવ્યું હતું.

Leave a Reply

Your email address will not be published.